Ang Barangay Poblacion 1 mapinanggaon nga nag-awhag sa tanang ginikanan ug mga tig-atiman sa kabataan nga nag-edad og 6 ka bulan hangtod 59 ka bulan nga suportahan ang kampanya sa pagpabakuna batok sa Measles ug Rubella (MR).
Ang bakuna batok sa Measles ug Rubella luwas, epektibo, libre, ug girekomenda sa Department of Health (DOH) aron mapanalipdan ang atong mga kabataan batok sa seryoso ug makatakod nga mga sakit. Pinaagi sa pagpabakuna, dili lamang ang inyong anak ang maprotektahan, apan makatabang usab kini sa pagpanalipod sa tibuok komunidad.
Busa, among ginadasig ang tanang ginikanan nga dad-on ang ilang mga anak sa takdang adlaw ug lugar sa pagpabakuna ug kooperar sa atong mga health workers aron magmalampuson ang maong kampanya.
Magtinabangay kita alang sa usa ka himsog ug luwas nga komunidad.
Bakuna karon, proteksyon alang sa kaugmaon.
#PadayonUNO #HimsogUno