Maayong balita, mga Carcaranon! 🎉
Gi-aprubahan sa House of Representatives sa Third and Final Reading ang House Bill No. 11240, nga nagtumong sa pagdeklarar sa July 7 sa matag tuig isip Special Non-Working Holiday sa Carcar City, Cebu, isip pag-ila sa Charter Day sa siyudad.
Ang maong balaodnon gi-authored ni Congresswoman Girlie E. Veloso sa Malasakit@Bayanihan Party-List, kauban sila Congresswoman Rhea Mae A. Gullas, Representative sa Cebu’s First District, ug Congressman Florencio T. Miraflores, Chairperson sa House Committee on Local Government.
Ang proposed measure nagtumong sa pag-amendar sa Republic Act No. 10358, nga sa pagkakaron nag-ila sa July 7 isip special working public holiday nga gitawag og City of Carcar Charter Day.
Pinaagi niini, gitinguha nga mas mahatagan og dakong kahulugan ang tinuig nga pagsaulog sa Charter Day, aron ang mga Carcaranon adunay panahon sa paghinumdom ug pagsaulog sa kasaysayan, kulturang lokal, ug panaghiusa sa ilang siyudad.
Human sa pag-apruba sa House of Representatives, ang maong balaodnon ipadayon sa Senado alang sa paghisgot ug pag-apruba niini sa dili pa isumite alang sa aksyon sa Presidente.
Pahinumdom: Ang maong balaodnon dili pa pinal nga balaod. Kinahanglan pa kini moagi sa Senado ug sa sunod nga mga lakang sa proseso sa paghimo og balaod.
#MalasakitAtBayanihan #SerbisyongMayMalasakit #CarcarCity #CarcarCityCharterDay
